GSTIN Checker — GST Number Format & Check-digit
GST number daaliye. Format, state, PAN aur check-digit turant check hoga, aur type karne ki galti pakdi jayegi. Ye check aapke browser me hi hota hai.
Registration active hai ya nahi, aur kis naam par hai, ye official GST portal par "Search Taxpayer" se confirm kariye. Ye tool sirf format check karta hai.
GSTIN ka structure
| 1-2 | State code (jaise 07 = Delhi, 27 = Maharashtra) |
| 3-12 | Business ka PAN |
| 13 | Us PAN par state me registration number (1, 2 ... phir A-Z) |
| 14 | Default "Z" |
| 15 | Check-digit (galti pakadne ke liye) |
Aksar pooche jaane wale sawal
GSTIN me kitne characters hote hain?
GSTIN 15 characters ka hota hai: pehle 2 digit state code, phir 10 character PAN, phir entity number, phir default "Z", aur aakhri character check-digit hota hai.
Kya ye tool batata hai ki GST number active hai?
Nahi. Ye tool sirf format, state code aur check-digit offline check karta hai. Registration active hai ya nahi aur kis naam se hai, ye official GST portal (services.gst.gov.in) par "Search Taxpayer" se confirm kariye.
Check-digit galat aaye to kya matlab hai?
Matlab number type karne me galti hai ya number nakli hai. Aise GSTIN par invoice ya payment se pehle supplier se sahi number maangiye.
GSTIN se PAN kaise pata karein?
GSTIN ke 3rd se 12th character tak (10 characters) business ka PAN hota hai.
Har enquiry ko deal me badlein — 100% free
Contact Karo par apne products free list karein. Buyers aur distributors ki enquiries seedha aapke free CRM me aayengi — follow-up reminder, WhatsApp button aur GST quote ke saath.